今日天色超正，媽媽心血來潮又想和我們去游水。原本想近近地去馬灣行下，點知上網一看，哇！馬灣水質是「劣」呀！點得喎！咪結果遠D都要去西貢囉。
我地即刻call埋 Mini妹，叫埋佢地一齊去。人多好辦事嘛！上網check一check，原來到喬咀島去，是要在西貢碼頭轉街渡的。
我地到了西貢碼頭，付了人頭$2O來回，狗頭就$10來回後（媽媽按：事後先知有D街渡係狗狗不用錢啊！），
就好似偷渡客咁上左一條叫「紅旗」的賊船喇！（點解係賊船呢？睇埋落去就知囉…）同船坐係爸爸旁邊的男人不斷食方包，引死我喇。我由偷偷望佢，變到死「昅」實佢，搞到佢食都食得吾好意思，仲問番我食唔食添…嘻嘻！我想食…
喬咀島真係好好笑。有救生員的灘係石灘喎，無人游。唉，就算我咁粗穬都唔想游啦。無救生員那一邊呢，就不知幾水清沙幼喎。結果，D救生員就好努力咁看守住個無人的沙灘…真荒茂啊！
媽媽放好我們的行裝，爸爸就快快的泵好張浮床俾我地去游水喇！嘩！D水又涼又清，太陽又暖，真係正！
爸媽仲買了一隻鴨鴨玩具俾我地在水玩retrieve添。妹妹就成日跟在我後面。我游時佢又游。我仲成功咁出奇不意的偷食左後面人地半個蛋tart添。
但係…被爸爸見到！佢結果要不斷同人地道歉，又要鬧鬼我。幸好，爸爸回家後先話俾媽媽聽咋，如果唔係又要俾佢在全世界前責罵喇。其實蛋tart主人後來都話俾埋剩下的那半個我食。不過爸爸say no，話驚我太肥喎！唉！人地都話俾我啦，就咪鬼咁多野講啦！
之後，我發現佢地食野就小心好多喇…唉…
離開的時候，我地在碼頭等左45分鐘，修正！係曝曬左45分鐘先等到「紅旗」街渡來想接。在那無休止的等待中，其它藍旗、綠旗及黃旗真係往來不絕！所以呢，下次記住唔好上紅旗賊船喇！唔好信佢話有幾多船，又幾密船…
雖然我地真係五條臘腸，但係都唔洗天然生曬掛？！
No comments:
Post a Comment