媽媽今早換了一身沙灘的裝束，又短褲又背心，仲有cap帽和太陽油。哇，好似去游水喎！我一見就立即跑去找我的沙灘裝備啦。 怎知，媽媽話唔係去游水，只係去遊行！
我都想去。不過咁曬，媽媽邊會預我喎…
媽媽叫我唔好怪責佢有假期都唔帶我地去游水。怪就只好怪老董喎。唉！我唔知老董係邊個，總之阻住我玩的人我都唔鍾意啦！
之後媽媽晚上七八點才回來了。她還帶同一個好白痴樣的吹氣棒棒回來呢。啊！原來這個東東就是衰衰老董！哼！他的下場就是俾Mini妹咬死喇。
2004年7月3日 真假薯仔魚
今日唔知做乜鬼，悶悶地咁，好鬼無聊。 可能因為今天係Mini妹最後一日在我家度宿喇。媽媽話要歡送Mini妹，所以特別煮左薯仔魚俾我地今晚做晚飯。等待係最痛苦呀！我地四個就迫係廚房門前，爭著睇媽媽煮野…期待著有野掉下來好使我地好去執死雞！
（Abu按：媽媽煮好後俾我地食左少少，之後就收起喇!哥哥嘈左好耐都無情講。）
Mini妹可能知道係last
day了，所以昨天開始就好乖喇，再無咬爛我媽媽的公仔，仲篤篤尿都痾得好正添!
幸好Martin契媽晚上要上Lazy
Bone取回一盒留來接濟Martin兩兄弟的薯仔魚飯，我先可以見到佢一面咋！
天呀！餓著肚子，等了一整天才等到夜晚，想著，終於有得食喇！點知佢地只係掛著自己食「味千」，不顧我地狗狗死活喎！
要等我不斷望實廚房怪叫成半句鐘，才等到他們為我們開飯喔！
好好味呢！點解厘隻薯仔魚同我食開狗糧的fish and potato 唔同味呢？
No comments:
Post a Comment