今日我地又去喬咀島了。媽媽話唔抵得Mini媽可以陽光與海灘喎…所以我地都和Mini去陽光與海灘！
今天春卷妹和我們一同去呢。她一早就來到我家，而我又例牌兇下佢，嚇嚇佢！其實無乜惡意呢。只係溝通下之嘛。接著，我們就開開心心一齊上車去玩囉。
西貢今日好塞車。細佬就因此不斷嗌…可能暈車浪掛，好鬼煩！Mini又學埋細佬一樣的嗌，激死我。煩到死。聽聞佢坐在婆婆腳上，好似「wear」到婆婆隻大脾花哂，婆婆一定要claim回湯藥費呢！
今次我地好醒。一到西貢，經過「紅旗賊船」的檔口，不理阿婆的招來，就直行直過，見「藍旗」嬸嬸先買票上船上。D嬸嬸仲無收我地D狗船錢添！正！咁先係嘛！今次我地仲早左到喬咀島。時間尚早無乜人，我又可以勁游水啦！！
過多一個鐘，沙灘續漸多人了。我地個竇前面多左一「pair」皮膚雪白的男人，佢地好似有潔癖咁，不斷埋怨我地D狗狗跑時將D沙飛到佢地張蓆上，仲不斷「jip jip」聲。真係麻煩姿整過細佬呀！
媽媽叫佢地做白皮豬喎！！隔離竇D Husky大狗家人都頂佢地吾順。你知喇，Husky跑過D沙仲飛得勁D添！
今次又係未番到屋企已累到死豬咁喇…聽講春卷妹洗澡時還以為游緊水，呵呵呵！
啊！！仲有，今天洗耳仔沖了一舊大耳屎出黎啊！好勁！
No comments:
Post a Comment